Now Reading
رانيا التومي تكتب عن صدمتها تجاه حجم المعاناة التي كانت تعيشه المرحومة مها القضقاضي

في اطار تنشيطها هذا الموسم لبرنامج دار ديكو الذي يعرض على قناة التاسعة، قامت رانيا التومي رفقة فريق البرنامج، بزيارة لمنزل عائلة الطفلة الصغير ة مها  القضقاضي التي جرفتها مياه الأمطار مؤخرا، خلال تنقلها للدراسة، ولمدرستها أين كانت تدرس.

رانيا اعترتها صدمة كبيرة منذ وصولها الى منزل عائلة مها، لدرجة أنّها نشرت تدوينة مطولة على حسابها على فيسبوك، وصفت فيها حجم المعاناة الكبير التي كانت تعيشه مها رفقة عائلتها، الى أن وافتها المنيّة مؤخرا.

وفيما يلي نص التدوينة كاملا :

“مانيش عارفة كيفاش بش نبدى نحكي…و منين بش تبدى الحكاية….ووقتاش بش توفى الحكاية…..شكون بش نلومو زعمة؟؟؟…و بش شكون بش نبداو نلومو ؟؟؟…..
توة دخلت للدار….نحمد في ربي على حيوط كاسية الدار….على سقف ما يقطرش….على شربة الماء مالسبالة….على غطاء فوق فرشي….ندمت على كل ليلة قلت فيها “ماتعشيتش مليح”….و على كل مرة قلت “ماعندي ما نلبس”….
اليوم انا و فريق داري ديكو….و شركة Happyness Tunisie….مشينا الفرنانة للمدرسة الي كانت تقرى فيها الملائكة “مها القضقاضي” الله يرحمها…..الوضع أكثر من كارثي….والد “مها” مانجمتش نغزرلو في عينيه…مانجمت نعمل شي….يبست في بلاصتي….اش من دار و اش من فلوس بش تعوض …يا ميمتي ملا شوية….يا ميمتي راهي كبدتو….راهي كانت ترقد في بيت كلها قش….حيوط منقوبة و ماء يقطر مالسقف….تقرى عالسيمان في البرد….يا روحي راك كنت كي النوارة….راك كنت قراية و مزيانة و تحب توصل…..راك كنت تبات بلاش عشاء و بلاش غطاء…و ما تتشكاش….راهي كي ماتت مالقاوش وين يغسلوها و وين يحطوها…..يا عزيزتي حتى في دفينتك ما رتحتش…ياميمتي على شوية امها و بوها…..ياربي علاش هكة….علاش الدنيا ظالمة….علاش هي تموت هكا….يا ربي علاش هزيتها…..يا ريتك هزيتني انا….والله العظيم حقك ماهوش بش يضيع….والله الا مانعملو المستحيل…بش وخياتك ما يصيرلهمش هكة…و امك و بوك ما يضيعش حقهم…..ياربي نعرف الي هي في بلاصة باهية عندك…..يا ربي ارحمها و ارحم وخياتها الي في المكتب و ارحم وليدات تونس الكل….يا روحي نتقابلو في الجنة….سمالله عليك….سمالله على بنتي….
فقط نحب نشكر فريق داري ديكو الكل الي بش يتكفل ب عايلة المرحومة مهى القضقاضي….و سي Ghamgui Saber الي عمل كل شي بش يعاون و اول واحد كلمني و ما تردد حتى دقيقة بش يمشي معانا و فرح الصغيرات و تكفل بالوالد المرحومة….
و انتما يا توانسة الي يحب يعاون يكلمنا عالرقم 28999215….”.

 

 

What's Your Reaction?
We laugh
0
We Like
0
We love
0
We smile
0
Scroll To Top